وروستي خبرونه

امرالله صالح د کابل په امنیت ټینګښت کې پاتې راغلی او ولسمشر دې قانوني ارګانونه پیاوړي کړي

49777165_401

د ولسي جرګې مشر د کابل پر امنیتي وضعیت اندېښنه وښوده او وايي، د ولسمشر لومړي مرستیال امرالله صالح ته د کابل ښار امنیتي مسوولیت سپارلو سره ناامني ډېره شوې او نوموړی د وضعیت په کنټرول کې پاتې راغلی د جرګې غړي زیاتوي، کابل ښار کې هره ورځ د چسپکي ماین په چاودنو کې خلک وژل کېږي او د امنیت په ټینګښت کې هېڅ ښه والی نه دی راغلی. همداراز وکیلانو د سرپرستانو پر لړۍ او وزارتونو کې د هغوی په غیري قانوني بدلونونو راوستو غبرګون وښود او له ولسمشر غني څخه يې وغوښتل، چې د سرپرست وزیرانو پر ځای نوي نوماند وزیران ولسي جرګې ته معرفي کړي. کابل ښار کې د چسپکي ماین چاودنو په زیاتېدو سره، چې نن سهار هم د ښار د پنځلسمې امنیتي حوزې په پنجصد فامیلیو سیمه کې د بګرامیو ولسوالۍ د امنیت مدیر پر هایلکس موټر چسپکي ماین چاودنه شوې، چې په کې نوموړی ټپی او یو بل کس وژل شوی دی. د ولسي جرګې غړي کابل ښار کې دې وضعیت اندېښمن کړي او وايي، امرالله صالح ته د کابل ښار امنیتي مسوولیت په سپارلو سره ناامني تر بل هر وخته ډېره شوې او نوموړی د امنیت په ټینګښت کې ناکام دی. د جرګې غړي کابل ښار کې د چسپکي ماین چاودنو او روانې ناامنۍ په مخنیوي کې امنیتي سکټورونه پر بې غورۍ تورنوي او غوښتنه کوي، چې امنیتي مسوولین ولسي جرګې ته وروغواړي، ترڅو د وضعیت خرابوالي په تړاو د ولس استازو ته وضاحت ورکړي. دغه راز د ولس استازي وايي، سرپرست وزیرانو نه یواځې د قانون خلاف خپل کار ته دوام ورکړی، بلکې په وزارتونو کې يې غیري قانوني بدلونونه پیل کړي، چې ولسمشر باید د سرپرست وزیرانو پر ځای نوي نوماند وزیران ولسي جرګې ته وروپېژني. حکومت د کابینې ۲۵ نوماندان د باور رایې اخیستو لپاره ولسي جرګې ته معرفي کړي وو، چې ۲۰ تنو يې د باور رایه اخیستې، خو درې نوماند وزیرانو او د افغانستان بانک د ریاست سرپرست ته يې د نه باور رایه ورکړه او د ښځو چارو د نوماند وزیرې برخلیک هم د یوې جنجالي رایې له امله تر اوسه څرګند شوی نه دی

نظر ورکړئ

ستاسو ایمیل پته نه ښودل کېږي. اړین فیلډونه په نښه شوي *


زمونږ په هکله

ژوندون وېبپاڼه د ژوندون راډيو ټلوېزيون رسمي وېبسايټ دى. لکه څنګه چې ژوندون راډيو ټلوېزيون په هېواد کې داسې يوه ازاده رسنيزه شبکه ده، چې په هېڅ سياسي جريان، ډلې ټپلې، ګوند، کيڼو او ښي سياسي ډلو او نورو جريانونو پورې تړلې نه ده. دغسې دا وېبپاڼه هم ازاده، خپلواکه او ناپېيلې ده، چې يوازې ملي، اسلامي ارزښتونه پالي او د افغانانو د ژوند د سوکالۍ لپاره هلې ځلې کوي…


مونږ سره اړیکه

0700651008