وروستي خبرونه

هرات کې د کویډـ۱۹ روغتون ډاکتران وايي د حکومت له لوري یې معاش نه ورکول کیږي

8
 د یاد ولایت د کویډـ۱۹ ناروغانو د روغتون ډاکترانو په اعتراض لاس پورې کړی او وايي، په سختو شرایطو کې یې دنده تر سره کړې؛ خو تنخوا یې نه ورکول کیږې. دوی له حکومت څخه هرڅه ژر د خپلو معاشاتو د ورکړې غوښتنه کوي

دا د هرات ولایت د غوریاني د کویډـ۱۹ روغتون کارکونکي او ډاکتران دي چې د ولایت مقام مخې ته راټول شوي وايي، حکومت یې تر اوسه د یوې میاشتې معاش نه دی ورکړی له دې سره سره چې حکومت پوهیږي، دوی په ډېرو سختو شرایطو کي دنده تر سره کړې
لاریونکوونکي وايي، چې دوه میاشتي کېږی، چې د هرات ولایت مقام دروازه وهي، تر څو یې غږ واوریدل شي او معاش یې ورکړل شي، خو تر اوسه یې د قناعت وړ ځواب نه دی ترلاسه کړی. بلخوا د هرات والي ویاند جیلاني فرهاد وايي، په دې برخه کي ستونزې حل شوي او ډېر ژر به د یادو کسانو معاش ورکړل شي. د ویلو ده، چې دا لومړی ځل نه دی چې په هرات کي د کوید ۱۹ روغتون ډاکتران او کارکونکي د خپل معاش د نه ورکړې له امله اعتراض کوي، بلکې له دې مخکې هم څو ځله دوی اعتراض کړی چې پر وخت یې امتیازات نه ورکول کېږي
عتیق الله مطمین

نظر ورکړئ

ستاسو ایمیل پته نه ښودل کېږي. اړین فیلډونه په نښه شوي *


زمونږ په هکله

ژوندون وېبپاڼه د ژوندون راډيو ټلوېزيون رسمي وېبسايټ دى. لکه څنګه چې ژوندون راډيو ټلوېزيون په هېواد کې داسې يوه ازاده رسنيزه شبکه ده، چې په هېڅ سياسي جريان، ډلې ټپلې، ګوند، کيڼو او ښي سياسي ډلو او نورو جريانونو پورې تړلې نه ده. دغسې دا وېبپاڼه هم ازاده، خپلواکه او ناپېيلې ده، چې يوازې ملي، اسلامي ارزښتونه پالي او د افغانانو د ژوند د سوکالۍ لپاره هلې ځلې کوي…


مونږ سره اړیکه

0700651008