چهارشنبه. Apr 1st, 2020

ژوندون

نړیوال راډیو ټلوېزیون

په قطر کې د طالبانو سیاسي دفتر: د روانې فبرورۍ میاشتې تر وروستیو به له امریکايي لوري سره ترتیب شوې هوکړه لاسلیک کړي

په قطر کې د وسلوالو طالبانو سیاسي دفتر ځینو غړو له رسنیو سره په خبرو کې ویلي، چې د روانې فبرورۍ میاشتې تر وروستیو به له امریکايي لوري سره ترتیب شوې هوکړه لاسلیک کړي. مولوي عبدالسلام حنفي چې په قطر کې د طالبانو د سیاسي دفتر مرستیال دی، په خپلې یوې تازه مرکې کې یادونه کړې، چې هوکړې اړوند ټول موارد بشپړ شوي او یواځې لاسلیک ته په تمه ده.

د ده په خبره چې د هوکړې له لاسلیک وړاندې به بهرني ځواکونه له افغانستان خپل وتل پېلوي او د طالبانو ۵ زره بندیان به له بندخونو ازادیږي، چې په بدل کې به یې وسلوال طالبان هم د افغان حکومت زر تنه بندیان ازاد کړي. د افغان سولې په اړه بحثونه دې وروستیو کې تر پخوا ډېر ګرم شوي، چې په کور دننه هم جګړه کې پر ښکېلو غاړو غږ شوی، څو له خپل منځي جنګه لاس په سر شي.

( ټول لیدونکې 66 , د نن ورځي لیدونکې 1 )