وروستي خبرونه

کرونا؛ هغه ویروس چې د بې باکي په صورت کې به نړۍ د انسانانو په هدیره بدله کړي | لیکنه: رحمت الله محمد

کرونا هغه ویروس چې یوازي په څلورو میاشتو کې یې نړۍ ولړزوله، په زرهاوو انسانان یې ووژل او په لکهاوو انسانان لا پرې اخته دي. هغه بې درملو ناروغي چې په ډیري چټکتیا سره د نړۍ تر لویو وچو راتاو شوه، او په کم وخت کې په ۱۱۵ هیوادونو کې خپره شوه.

هغه ناروغۍ چې چین، ایران، المان او امریکا غوندي لوي لوي ځواکونه یې په ګونډو کړل. په ډیر کم وخت کې نړیوال روغتیایي سازمان اعلان وکړ چې دا یوه ټول نیوونکې ناروغي ده، او باید جدي پاملرنه ورته وشي. له دي اعلان سره سم په امریکا کې بیړنی حالت اعلان شو، المان کې ټولي لوبې وځنډول شوي، او د نړۍ ټولو هیوادونو له دي ویروس څخه د مخنیوي په موخه له نورو هیوادونو سره خپلي اړیکې پرې کړي.

کعبه؛ د مسلمانانو هغه عبادت ځای چې ۱۴۰۰ کاله له مسلمانانو نه وه خالي شوي، خو دا دی نن د دي ویروس له امله په کې د عمري حج وځنډول شو.

دیني علماوو هم وویل چې د وبا په وړاندې مبارزه کول د هر مسلمان دیني وجیبه ده، او باید جدي پاملرنه ورته وشي. خو له بده مرغه زمونږ قدرمن هیوادوال غواړي هغه وخت پوه شي چې ټولي دښتي مو په هدیرو ډکې شي.

قدرمنو هیوادوالو!

دا ویروس ملنډي ندي، دا یوه نړیواله اوبا ده، چې له دي څخه د ځان او نورو ساتل زمونږ دیني او انساني وجیبه ده.

که له خپله ژونده تنګ یاست نو د نورو د ژوند ژغورلو په موخه ورته جدي پاملرنه وکړئ.

One comment

  • وحيدالله صالح

    March 16, 2020 at 5:50 PM

    دا خو مونږ زمونږ دين 1400 پخوا ويلي کله چې تاسو په سم ډول اودس وکړئ يعنې په اوداسه کې پوزې ته اوبو اچولو کې اوبه بايد په پوزه کې پورته خواته کش شي تر څو هغه ناروغۍ چې د پوزې له لارې داخليږي تاسو ته زيان نه رسوي

    Reply

نظر ورکړئ

ستاسو ایمیل پته نه ښودل کېږي. اړین فیلډونه په نښه شوي *


زمونږ په هکله

ژوندون وېبپاڼه د ژوندون راډيو ټلوېزيون رسمي وېبسايټ دى. لکه څنګه چې ژوندون راډيو ټلوېزيون په هېواد کې داسې يوه ازاده رسنيزه شبکه ده، چې په هېڅ سياسي جريان، ډلې ټپلې، ګوند، کيڼو او ښي سياسي ډلو او نورو جريانونو پورې تړلې نه ده. دغسې دا وېبپاڼه هم ازاده، خپلواکه او ناپېيلې ده، چې يوازې ملي، اسلامي ارزښتونه پالي او د افغانانو د ژوند د سوکالۍ لپاره هلې ځلې کوي…


مونږ سره اړیکه

0700651008