شنبه. May 30th, 2020

ژوندون

نړیوال راډیو ټلوېزیون

د حمل تر دېرشمه ټولې تعلیمي ادارې وتړل شوې

ولمسمشرۍ ماڼۍ ویلي، د عامې روغتیا، معارف، لوړو زده کړو او اطلاعات او فرهنګ وزارتونو په وړاندیز او د جمهور رئیس په منظورۍ د هېواد ټول خصوصي او دولتي پوهنتونونه، ښوونځي، کورسونه او تعلیمي مرکزونه د ۱۳۹۹ کال د حمل تر ۳۰مې نېټې رخصت شول.

په ورته مهال افغان حکومت د کرونا ویروس د مخنیوي په برخه کې د هند د لومړي وزیر له وړاندیزه هرکلی وکړ. ولسمشرۍ ماڼۍ ویلي، چې د کرونا ویروس د مخینوي په برخه کې د سارک هېوادونو بللو په برخه کې د هند د لومړي وزیر نرېندرامودي له وړاندیزه هرکلی کړی او په دې برخه کې یې د ګډې سټراټیژۍ پر جوښت ټینګار کړی. د سارک ټولنه چې وړاندې یې هند ترې د پاکستان د سرمشریزې له امله بایکاټ کړی وو، د دغې ټولنې چارې په ټپه درېدلې وې، خو د مودي دغې غوښتنې، چې د افغانستان سربېره ځینو نورو هېوادونو یې هم هرکلی کړی، د چارو څارونکو په باور د مودي تازه وړاندیز ښايي دغې ټولنې سره همکاري ډېره کړي.

افغانستان، هندوستان، پاکستان، بوټان، سریلانکا، بنګلدېش، مالدیپ او نیپال د سارک غړي هېوادونه دي.



( ټول لیدونکې 61 , د نن ورځي لیدونکې 1 )