2020 May 4

د ایران ولسمشر حسن روحانې د کورونا وبا د مخنیوي له مسوولو چارواکو سره د ویډیویې کنفرانس له لارې ویلي، د هغو سیمو جوماتونه به بیرته پرانیزې چې د کرونا وبا خطر په کې کم تر سترګو کیږي. روحانې زیاته کړي، چې د ایران په 132 ولسوالیو کې جوماتونه سبا بېرته پرانیستل شي.

هغه همداراز ویلي، چې د کرونا وبا پرضد د مبارزې موظفه کمېټه د روانې مې میاشتې په 15 مه نېټه د ښوونځیو د بیا پرانیستو په اړه هم غور وکړي. ایران چې د کورنا وبا له امله سخت ځپل شوی، جوماتونه يې د مارچ میاشتې په لومړیو کې بند شول. دغې هېواد کې تر دې دمه د کورونا وبا له امله له 6 زرو نه ډېرو کسانو خپل ژوند له لاسه ورکړی او له 97 زرو نه ډېر کسان پر دغې ناروغۍ اخته دي.

د امریکا ولسمشر ډونالډ ترمپ له فاکس نیوز تلوېزیون سره په خبرو کې ویلي، باورې دی چې د 2020 میلادې کال تر پایه یا د راتلونکې کال په پیل کې به د کوید 19 ناروغۍ لپاره واکسین تیار کړي.

د نړۍ ساینسپوهان د کرونا واکسین په جوړولو کې سره سیالي کوي، ډېری کارپوهان هیله من دي چې دا واکسین به په 2021 کال په پراخه پیمانه اماده شي. بلخوا د امریکا د بهرنیو چارو وزیر مایک پمپیو یو ځل بیا ټینګار کړی دی چې د کوید 19 ناروغۍ د انسانانو له خوا جوړ شوی او په دې اړه یې څيړنې پیل کړي دي او د مالوماتو په لاسته راوړلو سره به یې نړۍ سره شریک کړي.

د امریکایې رسنیو د تازه راپورونو له مخې تر دې دمه دغه هېواد کې کورونا وبا له 68 زرو نه د ډېرو کسانو ژوند اخیستی او له یو میلیون،یو لکو او 88 زرو نه ډېر کسان پرې اخته دي. ت

ر امریکا وروسته هسپانیه هغه هېواد دی چې ددغې ناروغۍ ډېرې پېښې په کې ثبت شوي دي. نړۍ کې بیا د کرونا وبا له امله له 2 لکو ،48 زرو نه ډېر کسان مړه شوي او له 3 میلیون،5 لکه او 66 زرو نه ډېر کسان پرې اخته دي. بلخوا بیا روسیې که تازه د کورونا ویروس 10 زره پېښې ثبت شوي د تازه راپورنو له مخې روسیه کې په یوه ورځ کې لس زره کسان پر کورونا ویراوس اخته شوي.

له بلې خوا د مسکو ښاروال ویلي چې ښایي د ښار کلابندي اوږده کړي. د تازه شمېرو له مخې په روسیه کې په کرونا ناروغۍ د اخته کسانو ټول شمېر له 124 زرو اوښتی دی

نن سهار د کابل ۱۷ حوزي اړوند په چمتله سیمه کې د برېښنا شرکت پر کار کوونکو د ځای پر ځای شوی ماین چاودنه شوي چې څلور تنه ټپیان شوي.

برښنا شرکت څخه په خپره شوي خبر پاڼه کې راغلي، چې تېر ماښام د وارداتي برېښنا یوه پایه په چمتله سیمه کې پر ماین الوځول شوې وه، چې نن سهار د برېښنا شرکت انجنیران او کارکوونکي د دغې پايي د ترمیم په موخه سیمي ته تللي وه، چې ځای پر ځای شوي ماین پر چاودلی ده، په وینا یې د دوو انجینرانو روغتیايي وضعیت د اندیښني وړ ده. تر اوسه د حکومت کومې مخالفه وسلوالې ډلې د یادې پېښې په تړاو رسنیو ته څه نه دي ویلي

د عامې روغتیا مسوولین وايي، په تېرو ۲۴ ساعتونو کې د هېوا په ۴ ولایتونو کې د کرونا ویروس ۶۲ مثبتې پيښې ثبت شوي دي، چې ډیرې پیښې بیا په هرات کې ۳۰، ننګرهار ۱۶، لغمان ۱۱ او په کونړ کې بیا ۵ نورې مثبتې پیښې ثبت شوي دي.

په دې سره ټول هېواد کې د مثبتو پېښو شمېر بیا ۲۷۶۶ تنه ته پورته شو. د عامې روغتیا وزارت خبرداري ورکوي که محدویت په پام کې ونه نیول شي هېواد به له انساني ناورین سره مخ شي