وروستي خبرونه

2020 February 22

ZhwandoonFebruary 22, 2020
302-1024x576.jpg

980

قطر کې د طالب او امریکایي لوري ترمنځ د هوکړې لاسلیک لپاره د اورکم په اوونۍ کې ولسوالو طالبانو د خپلې ولکې لاندې سیمو کې مخابراتي شبکو ته اجازه ورکړې، چې شپه او ورځ خپل فعالیتونه ترسره کړي.


ZhwandoonFebruary 22, 2020
301.jpg

590

یوناما د ټاکنیزو ناندریو په دوام کې د عبدالله له لوري ځینو ولایتونو ته د والیانو پر ټاکل کېدو اندېښنه څرګنده کړې او دا یې سوله کې د ستونزو رامنځته کېدو په برخه کې اندېښمنوونکې بللې.


ZhwandoonFebruary 22, 2020
298-1024x614.jpg

560

پر شورای نګهبان تور دی، چې د ایران د ټاکنو په پروسه کې مداخله کوي. امریکا ویلې چې د شورای نګهبان هغه نوماندان چې د ایران د لوی مذهبي مشر آیت الله علي خامنه یي پالیسي نه تعقیبوي، بې صلاحیته کوي.


ZhwandoonFebruary 22, 2020
296.jpg

700

ملګرو ملتونو یا یوناما د یوې خبر پاڼې په خپرولو سره ویلي، چې د تاوتریخوالي د کمېدو پر پرېکړې خوښ دي.

د یوناما په وینا، چې یاده پرېکړه یو بې سارې موقع ده، چې تلپاتې سولې ته لاره خلاصولی شي. ملګرو ملتونو ویلي، په افغانستان کې له ټولو خواوو سره کار کوي، چې د تلپاتې سولې لپاره داسې یو بهیر پرمخ بوځي، چې ښځې، ځوانان، اقلیتونه او ټول افغانان په کې ګډون ولري.


ZhwandoonFebruary 22, 2020
295.jpg

990

د ټاکنو خپلواک کمېسیون له لوري د غني د بریا له اعلانیدو وروسته د ځینو رسنیو د راپورونو له مخې ارګ هلې – ځلې پیل کړي، چې د روانې اوونۍ تر پایه پورې د لوړې مراسم تر سره کړي.


ZhwandoonFebruary 22, 2020
294.jpg

820

افغان حکومت چې تر دې وړاندې یې پر دوامداره اوربند ټینګار کاوه، په وروستیو کې یې اورکم ټینګېدو ته هیله مندي وښوده، چې تېره شپه ولسمشر غني د طالبانو له لوري د اورکم د ټینګېدو هر کلی وشو.


ZhwandoonFebruary 22, 2020
293-1024x724.jpg

1130

تر څلوېښتو کلونو خونړیو جګړو او تجربو وروسته دادی افغانان او نړیوال دې نتیجې ته رسېدلي چې سوله تر بلې هرې وسیلې ګټوره ده ، قیمت یې کم ، ګټه او ارزښت یې زیات دی.

سوله د افغانانو پرونی ضرورت هم و ، د نن هم دی او د سبا به هم وي. له بده مرغه چې پرون مو دا ضرورت پوره نه شو او موږ یې ډېره لوړه بیه پرې کړه، خو نن چې یو ځل بیا د سولې طلایي چانس ته نږدې یو ، باید پوره ګټه ورڅخه پورته کړو او راتلونکی نسل مو خوندي کړو .

د سولې په دې نازک پړاو کې نه چا ته پېغور په کار دی ، نه پر چا تور پورې کول په کار دي ، نه د ملامت او سلامت معلومول. په دۍ مرحله کې د طرفینو او د هغوی د لنډفکره پلویانو یوه ترخه خبره هم د توپک تر ګولۍ ډېر زیان اړولای شي. عجیبه خبره داده د هغوی تر منځ چې د مړو ناشمېره حسای پروت دی هغوی د روغې جوړۍ مېز ته سره کېناستل ، خو هغوی چې په عمر کې یۍ د ګولۍ شنګ تر غوږه نه دی تېر شوی ، هغوی د جګړې دوام او ګرمول غږاړي. دا چې چا څه کړي ، څنګه یې کړي ، د چا په زور یې کړي او پر چا یې کړي ؟ دا ټولې پوښتنې او ګرویږنې هم د سولې په چاپېریال کې سپینېدی شي. ، نو راځئ چې ټول سولې ته کار ووایو ، د جنګ ټول هغه اړخونه چې زموږ او ستاسې خبرې ورته ور رسېدی شي ، دېته و هڅوو چې د سولې دې روان بهیر ته دوام ورکړي او د بشپړې بریا پړاو ته یې و رسوي.

دلته لازمه ده چې د طالیانو د اسلامي تحریک له مشرتایه څخه د زړه له تله مننه وکړو چې له ډېرو قریانیو سره سره یې د سولې او پخلاینې لاره غوره کړه. د امریکا له متحده ایالاتو له حکومت څخه هم مننه په کار ده چې د خپل غرور له اسه راکېوتل او له داسې یوه حرکت سره خبرو ته کېناستل چې د دوی له اصولو سره په ټکر کې دي او دوی ورسره د دا ډول مذاکراتو تجربه او سابقه نه لري.

له جمهور رییس ډوکتور محد اشرف غني څخه هم مننه په کار ده چې له ټاکنیزو ناندریو او نورو ګڼو ناخوالو سره سره یې د هېواد او ولس دې اساسي ضرورت ته اساسي پام راواړاوه او د پخوانیو نه عملي کېدونکو سرو او شنو کرښو له کشولو تېر شو. که دې ټولو خواوو په خپله خپله برخه کې نرمښت نه وای ښودلی ، نو د تاوتریخوالي د کمولو دغه حالت چې که خدای ج کول وروسته به د جګړې د بشپړې بندېدو سبب شي،نه وای رامنځته شوی. اوس نو ملت ته په کار دي چې د جګړې ټولې خواې او مطرح کرکترونه د سولې ملاتړ ته و هڅوي او دا هم و څاري چې کوم لورې سولې ته دسیسې او جګړې ته پلمې چوړوي؟ وروسته دې بیا ملامت لوری له خپل تاریخي عدالت او قضاوت سره مخامخ کړي.

له ټولو لیکوالو ، مبصرینو او کارپوهانو څخه هم هیله کوو چې د سولې يه دې حساس بیهر کې له هر ډول سپوره او تاوجنو کلماتو څخه ډډه وکړي او له خپل قلم او خپلې خولې سره ډېر احتیاظ وکړي.



زمونږ په هکله

ژوندون وېبپاڼه د ژوندون راډيو ټلوېزيون رسمي وېبسايټ دى. لکه څنګه چې ژوندون راډيو ټلوېزيون په هېواد کې داسې يوه ازاده رسنيزه شبکه ده، چې په هېڅ سياسي جريان، ډلې ټپلې، ګوند، کيڼو او ښي سياسي ډلو او نورو جريانونو پورې تړلې نه ده. دغسې دا وېبپاڼه هم ازاده، خپلواکه او ناپېيلې ده، چې يوازې ملي، اسلامي ارزښتونه پالي او د افغانانو د ژوند د سوکالۍ لپاره هلې ځلې کوي…


مونږ سره اړیکه

0700651008