2020 February 12

د پاکستان د پنجاب ایالت مخکني لومړي وزیر ددې هیواد پر لومړي وزیر عمران خان تور لګولی چې د پاکستان شړېدلې اقتصاد بیا رغونې ته پاملرنه نه کوي او په سیاسي غچ اخیستلو باندې بوخت دی.

د ملګروملتونو سرمنشي آنتونیو ګوترش په یو ځانګړې غونډه کې چې د فلسطین په اړه جوړه شوي وه وویل،بیت المقدس نه شی کیدای چې د اسراییلو پلازمینه اوسي هغه زیاته کړه د اسراییلو او فلسطین د روغې په اړه د امریکا وړاندې کړې طرحه نوره هم بې ثباتي او ستونزې زیاتوي.

په هندوستان کې د سکانو پر مذهبي مراسمو کې چاودنه شوي چې پکې لږ تر لږه ۶ تنه وژل شوي او له شلو زیات نور ټپیان دي.

د کرکټ بورډ په وینا افغان لوبډله تېره ورځ هندوستان ته ورسېده، چې هلته به له درې اونیو تمرین وروسته د ایرلنډ کرکټ ملي لوبډلې پر وړاندې درې شل اووریزې نړیوالې لوبې تر سره کړي.

د کورنیو چارو وزارت نه په خپره شوې خبرپاڼه کې راغلي، چې د تخار ولایت په بنګي ولسوالې کې درې تنه د وژنې او انسان تښتونې په تور نیول شوي.

د کورنیو چارو وزارت له لوري په خپره شوې خبرپاڼه کې ویل شوي، چې د پلازمېنې کابل په حامدکرزي هوايي ډګر کې نشه يي توکي چې د پروتینونو په قوطیو کې ځای پرځای شوي وو، نیول شوي دي.

د ټاکنو کمېسیون غړو له رسنیو سره په خبرو کې ویلي، چې تر ارزونې او تحلیل وروسته یې نن چهارشنبه په یو شمېر محلونو کې د رایو بیا شمېرنې بهیر پیل کړی دی.