افغانستان

 دوی ښاروالۍ يې تورنه کړې، چې د خپلو قانوني نمرو د وېش په بدل کې ترې نا قانونه پيسې غواړي. دوی وایي، نږدې ۱۵ کاله وړاندې يې د قاسم اباد په ښارګوټي کې د نمرو پیسې حکومت ته تحویل کړي، خو تر اوسه ورته ځمکې نه دي وېشل شوي.

 د دفاع وزارت لوی درستیز یاسین ضیاء وايي، چې د لویې مشورتي جرګې د دوام په درې ورځو کې یې پر یادې جرګې د برید په تور 11 تنه نیولي دي.

د مسؤلینو په خبره په دې آزموینه کې ۱۳ زره کسانو ګډون کړې و، چې له ډلې به یې دونیم زره کسان د هرات پوهنتون د لوړو زده کړو ظرفیت ولري. ویل کیږې په دې کانکور آزموینه کې د هغه کسانو څخه هم آزموینه اخیستل شوې، کوم چي غواړي د هرات په پوهنتون کې ماسترۍ پروګرام ته لار پیدا کړي.

د هرات د کانکور آزموینې لړۍ، چې د درېیو ورځو را په دې خوا پیل شوې وه، نن پاې ته ورسیدله؛ خو په دې آزموینه کې موږ د یوه معلول ګډونوال سره هم مخ شو، چې دی هم راغلې ترڅو خپله وړتیا وښيي او هرات پوهنتون ته لاره پیدا کړي. نجیم توانګر وايي، معلولین هم کولای شي،چې زده کړې وکړي او خپلې وړتیاوې وښيي.

مرسل هغه هراتۍ پیغله ده، چي په خبره یې ډېره هڅه یې کړې، ترڅو کورسونه تعقیب کړي او د کانکور په ازموینه کې ښه پایله ترلاسه کړي؛ خو وايي، د کرونا وبا له خپرېدو سره سم یې پلانونه تر ډېره بریده ګډوډ کړل. د کانکور د آزموینو د ملي ادارې مشر عبدلقدیر خموش د دې آزموینې پر روڼتیا ټینګار کوي او وايي، دوې په شفافیت او بې د کومې لاسوهنې سره ازموینه واخیسته، د نوموړي په خبره، راتلونکي وخت کې د دې پروسې د شفافیت ځواب ویونکي دي.

د یادونې وړ ده، چې د هرات په سږني کانکور آزموینه کې د ماسترۍ د ازموینې پروګرام هم یو ځای و، چې ۱۳۷۱۲ تنو د ماسټرۍ د آزموینې لپاره ګډون کړي و، چې ۵۹ سلنه یې نجونې وې.

خبریال : عتیق الله مطمین / هرات

 وروسته له هغې چې د سولې مشورتي لويې جرګې د یوه ۲۵ ماده ییز پرېکړه لیک په خپرولو سره خپله وروستۍ پرېکړه اعلان کړه او د خپلمنځي خبرو د ژر پیل لپاره يې د ۴ سوه بندیانو خلاصون تایید کړ، د ولسي وګړي او د چارو څارونکي د افغان حکومت او طالبانو ترمنځ له لسیزو راهیسې پیل شوې جګړې درېدو ته هیله مند شوي

 دغې جرګې چې د جمعې په ورځ یې د 4 سوه طالب زندانیانو د خلاصون او یا نه خلاصون په اړه افغان حکومت ته مشوره ورکوله، نن یکشنبه یې خپله پرېکړه اعلان کړه. یادې جرګې د 4 سوه طالب زنداینانو د خلاصون طرحه تایید کړه، خو ټينګار یې وکړ چې ورسره سم دې اوربند تامین او د تل پاتې سولې د تامنېدا په موخه دې خپلمنځي خبرې پیل کړي.

 د کورنیو چارو وزارت وايي، تېره شپه وسلوالو طالبانو غوښتل د زابل ولایت پر مرکز قلات ښار باندې ډله ییز بریدونه وکړي، خو په خبره یې چې د افغان امنیتي ځواکونو له لوري یاد بریدونه په شاه تمبول شوي دي.

د پاتې ۴ سوه طالب بندیانو د خلاصو په موخه جوړه شوې مشورتي جرګه له دریو ورځنیو بحثونو وروسته نن پای ته رسیږي. د دې جرګې کاري کمېټو غوښتنه داده، چې سولې ته د رسېدو په موخه دې طالب زندانیان د ملي او نړیوالو ضمانتونو په ورکولو سره آزاد شي، جګړه دې ودرول شي او تلپاتې اوربند دې تامین شي

 له دغې څخه د تېرې ورځې راپورونه ښايي، چې د جرګې ډېری کمېټو د اوربند تامنېدا او د خپلمنځي خبرو د پیلېدا لپاره د طالب زندانیانو د خلاصون غوښتنه کړې. دغو کمېټو حکومت ته د مشورو په ورکړه کې د طالب زندانیانو خلاصون په مشروط ډول تایید کړی، څو په خبره یې چې د جګړې د دوام لپاره هېڅ پلمه پاتې نه شي.

 په خوست کې د ښوونځیو ښوونکي وایي، که حکومت په شلو ورځو کې دوی ته د نمرو د ویش لړۍ پیل نه کړي، دوی به په پراخو لاریونونو لاس پورې کړي.

که څه هم ټاکل شوې، چې د نن ورځې تر پایه د سولې مشورتي لویه جرګه د 4 طالب زندانیانو د برخلیک په اړه خپله رسمي پرېکړه وکړي، خو د ځینو سرچینو د خبر له مخې جرګه کې ډېرو کمېټو د دغو زندانیانو د خلاصون غوښتنه کړې.