Zhwandoon.tv ښه راغلاست

د تاریخي اثارو په قاچاق او لرغونو ځایونو کې په خپل سرو کيندنو بندیز لګېدلی

د مالوماتو له مخې د  ننګرهار ولایت په بېلابیلو سیمو کې ۱۲۲ تاریځي ځایونه تثبیت شوي، چې تر دا دمه یې ۲۲ د اطلاعاتو او فرهنګ ریاست سره ثبت دي، له دې ډلې یې د هډې موزیم، سبراباد غونډۍ او استوپې ډېر شهرت لري.

که څه هم وړاندې د خپل سرو کيندنو او تاریخي اثارو د قاچاق  په اړه اندېښنې زیات وې؛ خو اوس د اطلاعات او فرهنګ مسوولین  وایي، تر هغې وروسته، چې اسلامي امارت واک ته رسېدلی پدې ناقانونۍ يې بشپړ بندیز لګولی او هېڅ څوک نشي کولي، چې په تاریخي ځایونو کې سپړنې وکړي او یا یې هم  اثار بهر ته قاچاق کړي.

ختيځ کې د تاريخي اثارو د ساتنې مسول مولوي امان الله وویل، تاریخي ابدات ملي شتمني دي او دوی یې ساتنې  ته پوره ژمنتیا لري.

نوموړی زیاتوي، هېڅ څوک پدې برخه کې خپل سري نشي کولی او له ولسونو هم غواړي، چې په ساتنه کې ورسره همکاري وکړي.

هغه وویل، که څوک د لرغونو اثارو قاچاق او یا خپل سرې کيندنې کوي ولسونه دې دوی سره اړیکه وکړي تر څو يې په خپل وخت مخنیوی وشي.

فرهنګیان او د مدني ټولنو غړي د تاریخي اثارو په قاچاق او غیري قانوني کندو د مخنیوي په اړه د اسلامي امارت له پریکړې هر کلی کوي.

دوی وایي، تېر کې په یوه او بل نامه دې برخه کې زیاتې خپل سرۍ شوي د افغانستان ګڼ تاریخي اثار بهر ته  قاچاق شوي او اوس د اسلامي امارت غوښتنه کوي، چې له پوره جدیت کار واخلي او سرغړونکو سره قانوني چلند وکړي.

د فرهنګي چارو فعال نظر محمد خاکسار وايي، سره له دې چې اوس بندیز لګېدلی باید حکومت هڅه وکړي هغه توکي هم هېواد ته بیرته راوړي، چې تېر کې په ناقانونه توګه سپړل شوي او بیا بهر ته قاچاق شوي دي.

نوموړی په دې برخه کې ولسي ونډه مهمه بولي او زیاتوي، دا د ټولو مسوولیت دی، چې د تاریخي اثارو په ساتنه کې فعاله ونډه واخلي.

د یادونې وړ ده، چې د ننګرهار سربیره تېرو کې د هېواد په یو شمېر نورو ولایتونو کې هم د تاریخي اثارو د قاچاق او ناقانونه سپړنو په اړه خلکو اندېښنې لرلې او د هغه مهال چارواکي يې پړه بلل،چې د مخینوي په برخه کې یې هغه څېر، چې په کار دی هڅې ندي کړي.

افغانستان

نړۍ