د افغانستان د کرکټ ملي لوبډله د روان زیږدیز کال د جولای په یولسمه د انګلستان په لارډز لوبغالي کې چې د نړۍ کرکټ د کور په نوم یادیږي، د برینډن مک کالم په لوبډلمشرۍ د نړۍ له غوره یولس کسیزې لوبډلې سره یوه پنځوس اوریز لوبه ترسره کړي.
د افغان کرکټ ملي لوبډلې او د نړۍ د غوره یولس کسیزې لوبډلې ترمنځ دغه سیالي د افغانستان کرکټ بورډ عمومي رئیس شکرالله عاطف مشعل او د MCC د مشرتابه ترمنځ د هوکړې په پایله کې تنظیم شوه.
شکرالله عاطف مشعل د نړۍ د کرکټ د یولس کسیزې لوبډلې پر وړاندې د افغان کرکټ ملي لوبډلې لوبه د هېواد د کرکټ په تاریخ کې د پرمختګ یو نوی فصل ګڼي.