د سوريې د حکومت استازو او د وسلوالو مخالفانو استازو د دې هېواد لپاره د ملګرو ملتونو له ځانګړي استازي سټیفن ډیمسټورا سره په غونډه کې هڅه وکړه چې د ټاکنو، نوي اساسي قانون او انتقالي حکومت په اړه سلامشوره وکړي.
له ډیمسټورا سره تر یوه ساعت بحثونو وروسته د سوريې د حکومت استازي غوښتل له ترهګرۍ سره پر مبارزې خبرې پیل کړي خو د سوريې د حکومت وسلوالو مخالفینو پر دې اړوند خبرې کول رد کړل.
د سوريې د حکومت وسلوالو مخالفانو بیا له سټیفن ډیمسټورا سره خپلې خبرې مثبتې وبللې او ژمنه يې وکړه چې که څه هم د مثبتو پایلو هیلې کمې دي خو خبرو اترو ته به دوام ورکړي.